Bleach na pahuchae nuksaan-
Bleach har kisi ke chehre ke liye upyukt nahi hoti. Iss rasayan ko apne chehre par lagaane se pahle yah jaanch le ki aapki skin kis type ki hain. Agar ise lagaate hi chehre par tej jalne ka ahsaas ya khujli machne lage toh samajh jaaye ki yah aapko react kar gai hain. Bleach me mercury hoti hain jise hume puri tarah se nakarna chahiye ya fir uska prayog bahut hi kam karna chahiye.
Skin banegi tight-
Pattagobhi ki 2-3 pattiyo ko pees kar usme 2 chammach chaval ka aata mix kare. Fir usme baadam ya olive oil daal kar chehre par lagaaye. Agar chehra oily hain toh pack me tel na milaaye. Pattagobhi ki pattiya chehre se jhuriya mitati hain. Pattagobhi ki pattiyo ka paste banakar usme dahi aur shahad milaaye. Agar skin dry hain toh usme badaam ya olive oil milaaye. Gungune pani se chehra dho le.
Jab hatana ho kajal-
Aap jaldi me hain toh chehre ko facewash se dhoye aur aankho ke neeche sabun ke jhaag se mal kar dhoye. Iske alaava aap scrub ka bhi prayog kar ke kajal ko chhuda sakti hain. Aankho ke neeche vesline lagaaye aur fir kajal ko cotten se saaf kar le. Kajal chudana ho toh chehre par cleansing milk laga kar chehre aur aankho ke aas-paas masaage kijiye. Kajal bhi saaf ho jaayega ar chehra bhi.
Twacha ko de nami-
Nahane se pahle twacha ko prayapt rup se saaf karne ke liye paani me khas-khas , namak mila le. Ise apsome salt bhi kaha jaata hain. Yah kisi bhi medicle store par aasani se mil jaata hain.Iske atirikt nahaane se pahle body oil se massage jarur kare aur nahaane ke baad sharir ko ragadkar na pouchhe. Sharir ko taouliye se thap thapa kar sukhana chahiye. Isse aapki twacha nam rahti hain.
No comments:
Post a Comment