Eyeliner aankho ki sundarta me gajab ka nikhaar laata hain, lekin ise lagaane ka bhi ek tarika hota hain. Betartib dhang se lagaaya gaya eyeliner bahut bhadda lagta hain.
Neeche ki palak par jyada lagaana
Aankho ke neeche wale hisse par jyada ya gahra eyeliner lagaane se aankhe chhoti lag sakti hain. Iske alaawa iske failne ki anshanka bhi bahut jyaada hoti hain. Yadi aap aankho ke neeche bhi kuch lagaana chahti hain toh halki pencil ya halke bhure rang ke eye shadow ka istemaal kare.
Seedha aur eksaar nahi lagaana
Upari palak par eyeliner agar galat lag jaaye toh fir use makeup remover se pouchhne me bahut koft hoti hain. Liner ko seedha lagaane ke liye brush ko aankho ke kono tak tab tak na lekar jaaye, jab tak ki yeh beech me thik se na lag jaaye. Thodi ko garden ki taraf leker aaye aur aankho ko adhkhuli rakhe. Isse aap dekh paayengi ki liner ka istemaal kar rahi hain toh ise halke tirche brush se lagaaye. Aap pahle halki pencil se line bhi kheech sakti hain.
Kewal kaale aur bhure liner ka istemaal
Kai baar aankho ke neech safed liner kamaal ka kaam karta hain. Yeh aapke chehre ko tarotaaja dikhaata hain. Safed liner lagaane ke liye neeche ki aankh ko halka -sa kheeche aur neeche ki palak aur aankho ki rim ke beech line banaye.
Pencil, gel, liquid liner ko ek-sa maanna
Agar aap jaldi me hain toh pencil liner sabse acche hote hain. Yeh jaldi lag jaate hain aur failte bhi nahi hain. Yadi aap glamorus look chahti hain toh gel eyeliner ka istemaal kare. Liquid eyeliner gel ka hi ek tarah se advanced version hote hain. Inhe bahut dhery ke saath acchi tarah lagaana hota hain. Yadi aap eyeliner lagaana seekh rahi hain toh liquid ki bajaay gel liner ka istemaal kare.
Taknik nahi jaanna
Eyeliner ko humesha pencil ya patle aur chhote brush se lagaaye. Iske upar matching ka powder shadow bhi lagaaye taki liner der tak tika rahe.
BEST OF LUCK
