Twacha ke prakaar aur unki dekhbhaal

Hum jaante hain ki twacha ke kai prakaar hote hain aur sabki skin alag-alag hoti hain aaj hum aapko twacha ke prakaar aur unki dekhbhaal karne ka tarika batane ja rahe hain. Chehre ki twacha ko aakshark banaaye rakhne ke liye humesha sachet rahna jaruri hain. Apni twacha ke prakaar ke anusaar saundary-prasaadhano ka istemaal wa twacha ki dekhbhaal kar aap apni sundarta me chaar chaand laga sakti hain. Aaam taur par twacha ka chaar prakaar hote hain-


1) Saamanay twacha- Yah twacha chamakdaar, saaf, aakshark wa dularbh hoti hain. Na isme tel adhik hota hain na hi rukhi hoti hain.

2)Teliya twacha- Aisi twacha chikni, chidrayukt aur chamkili hoti hain jis par shigra hi keel-muhaase utpaan ho jaate hain. iss twacha par jhuriya jaldi nahi padti hain.

3) Rukhi twacha- Dry skin sukhi aur shushk hoti hain. Isme muhaase, jhaiya toh nahi hoti parntu jhuriya pad jaati hain.

4) Mishrit twacha- Iss prakaar ki twacha me maathe, naak wa thodi par 'T' jon me tel hota hain par gaal rukhe rahte hain athart kahi chiknaai, kahi khushki.

Sabhi prakaar ki twacha ki dekhbhaal-

Saamanay twacha ki dekhbhaal-
Oily skin ki surksha ke liye me twacha rukhi ho toh rukhi twacha wale facepack avam garmiyo me twcha ke teliya lagne par teliya twacha wale facepack lagaaye.
 


Teliya twacha ki dekhbhaal-
Aisi twacha waalon ko chahiye ki we chehre ko 2-3 baar facial jel ya jhagdaar cleanser se saaf kare. Chehre par moisturizer toner lagaaye. Iss twacha ko chhachh se dhone par nikhaar aata hain. Oil free sunscreen prayog kare. Multaani mittti me 1 chhota chammach shahad wa 2 chhote chammach dahi ko milaakar paste tayaar kare wa chehre par 20 minute tak lagaaye, fir saade pani se dho le. Adhik tel masaale wa vasayukt aahaar ka sevan na kare.
 

Rukhi twacha ki dekhbhaal
Rukhi twacha par scruber ka use nahi karna chahiye. Raat ko cold cream se malish karni chahiye. moisturizer ka adhik use kare. Ande ki jardi me 3 bade chammach malai milakar chehre par lagaaye. malai sukhne ke baad aate ko thode se pani me ghol kar chehre par malte hue dho de. Ise aankho ke aas-paas na lagaaye. Rukhi twacha par sabun na lagaaye. Taaje makhann me jau ka aata wa jetun ka tel milakar roj subah sham 10 minute ke liye lagaaye, fir gungune pani se dho le, mahine bhar aisa kare, fark najar aayega.
 

Mishrit twacha ki dekhbhaal
Chehre ko nonsoap cleanser se saaf kare. Gaalon par moisturizer tatha 'T' JON (matha, naak wa thodi) par oil free cream lagaaye. Raat ko twacha ki maalish ke baad A.H.A lotion lagaaye.  

care of beauty: Kam makeup se bhi lag sakti aap sunder

care of beauty: Kam makeup se bhi lag sakti aap sunder: Sunder dikhna kiski chahat nahi hoti hain har koi chahta hain ki wah sunder or beautiful lage fir sunder dikhne ke liye kai prakaar ke make...

Kam makeup se bhi lag sakti aap sunder

Sunder dikhna kiski chahat nahi hoti hain har koi chahta hain ki wah sunder or beautiful lage fir sunder dikhne ke liye kai prakaar ke makeup karti hain par   kya aap  jaanti hain jyadaa makeup aapke chahre ko bigaad deta hain toh aaj hum aapko bahut kam makeup me sunder dikhne ke liye tips de rahe hain yeh un logo ke liye bhi accha  hain jo kam makeup  pasand karti hain un logo ke liye accha jyada makeup karti humaare dwara bataye ja  rahe yeh tips agar follow karenge toh jyada makeup ke nuksaan se bachenge.Hum bata rahe hain simple look or bold lips ke baare me, isme bahut kam makeup se aapke hothon ko ubhaara jaata hain. Mausam ke hisaab se yah makeup aapko kisi bhi tarah se pareshaan nahi karega.


1) Aankho ke liye  aap kajal, eyeliner aur maskaare ka use kar sakti hain. aap chahe toh eye shadow bhi laga sakti hain.

2) Gaalon par aap simple blusher ka use kar sakti hain. Isse aapki skin bhi jawan lagne lagti hain.

3) Baalon ko aap kuch naya style dijiye. Yadi aapke baal lambe hain toh inhe khula bhi rakha ja sakta hain. Aap unhe stright fringe, layers cut, side bags  aur side parting style de sakti hain.

4) Ab bari lips ki hain. Aap apni pasand ki lipstic ka use kar sakti hain. Yadi pink ya red ka use karengi  toh iss season ke anusaar dikhengi. Waise koi dusara bold colour bhi chal sakta hain.

Antioxidents se chamkega chehra

 

Yadi aapko lag raha hain ki twacha rukhi ho rahi hain aur chehre ki chamak fiki padti ja rahi hain toh choclate face mask ka istemaal aapke liye thik rahega. Choclate me polyphinals wale cocoaa beans hote hain. Yeh antioxidents se bharpur hote hain jo twacha ko nikhaarne me madad karte hain.

Choclate face mask-
Choclate mask banane ke liye aapko 1/3 cup dark cocoaa powder, 1/4 cup orgrnic shahad, 3 bade chammach cream aur 2 bade chammach otmeal ke powder ki jarurat hogi.

Iss samagri ko ek bowl me lijiye aur acchi tarah se mila le. Ise tab tak fetiye jab tak iska acchi tarah ghula huaa paste na ban jaaye.

Iss paste ko chehre par lagaaye. Dhyaan rakhe ki chehre par paste ki eksaman parat ho. Aankhon ko isse bachakar rakhe. Lagbhag 15 minute baad chehre ko gungune pani se dhoye  aur mulayam touliye se halke haathon se chehre ko pouche.

Yadi ab bhi aapko lagta hain ki chehra dry hain toh aap regular moisturizing cream ki madad le sakti hain.

Mere dwara gaye bataya gaya iss mask ko apne chehre par jarur try kare ho sakta aap iss mask ko ues kare aapka chehra bahut jyaada glow karne  lage or sabki najro sirf aap hi aap chha jaaye.
ALL THE BEST.

Natural scrubs ke types

Hello friends,
Humne pahle bhi humaare post natural scrubs ke baare me bataya hain par iss baar hum aapko natural scrubs ke types ki jaankari de rahe hain. Scrubs ko hafte , 2 hafte me ek baar lagaane se mrit twacha hatti hain aur twacha ke romchidra khulte hain. Chehre ki scin par glow lane ke liye market me kai tarah ke scrub aate hain lekin isse kai logo ko skin problem bhi ho jaati hain. Isliye baajar me paaye jaane vale scrub ke bajaaye ghar par hi kai tarah ke prakritik scrub ka use kiya ja sakta hain. Isse twacha ko koi nuksaan nahi pahuchta. toh chaliye hum aapko ab natural scrubs ke baare me jaankari dene ja rahe hain.


Papita aur annanaas

 
In falo me paaye jaane wale anjimes mrit twacha ko hatakar dull ski n par glow laane ka kaam karte hain. Jis vajah se twacha ki rangat bhi nikharti hain. Papita aur annanaas  se bana scrub samanay twacha ke liye bahut accha hota hain. Yah twacha ko sunder aur mulaayam banane me bhi madad karta hain.

Badaam aur jetun ka tel 

 
Ghar me banaye jaane wale scrub me agar jetun ka tel aur badaam ka tel milaya jaaye toh isse twacha saaf hone ke saath -saath use poushak tatv bhi milte hain. Scrub me in dono telo ko milane se dry skin komal banti hain. Isliye hafte me ek se 2 baar aise scrub ka use jarur kare. Isse aapko anay skin samsaayo ka samana bhi nahi karna padega.

Berries scrubs

 
Woh scrub jo berries se nirmit ho, berries matlab strawberry, blueberry aadi ka use karna jyaada accha hota hain. kyunki yah antioxidents, vitamins aur minrels se bharpur hote hain tatha twacha ko uchit poushan dete hain.

Scrub chehre se keel-muhaase, daag dhabbe dur karte hain. In dino bazaar me bhi natural scrubs ka trand badta ja raha hain kyunki inme side effect hone ka khatra kam hota hain.

Exercise karne se badti hain aapki sundarta

Exercise  ek bahut bada part hain humaari life ka agar aap khud ko fit rakhna chahte helthy  rahna chahte hain toh aap exercise ka mhatav bhali prakaar se jaante hain jis tarah exercise aapke sharir ke liye aavyshayk hain usi tarah exercise aapki  sundarta ko badaane me  bhi bahut laabhdayak hain isse aapki twacha chamakdaar vah sunder banti hain toh chaliye  hum batate hain ki exercise  ka aapki sundarta badaane me kya role hain.




Baal bane shiny

Exercise karne se rakt sanchaar badta hain, jisse baalon ke scalp me bhi rakt ka sanchaar sahi rahta hain aur unhe aasani se nutrients milta hain. Isse baal badte hain aur baal jhadte bhi nahi hain. Scalp bhi swasth rahta hain. Jisse aapke baal aur bhi jyaada ghane rahte hain.

Twcha jaaye nikhar
Rozana exercise karne se twacha ki sehat bhi sahi rahti hain, kyunki exercise rakt sanchaar ko thik rakhta hain, Saath hi exercise se sharir me moujud toxin padaarth bhi baahar nikalte hain. Jo aapke baal ko jhadne se rokte hain aur saath hi inhe majbut banaaye rakhne me sahyog karte hain,

Jhuriya ho jaaye khatam
Exercise karne se twacha  ka dheelapan aur jhuriya ko kam karne me madad milti hain. Kyunki exercise twacha ki kasavat ko baekarar rakhne wale protein colejen ki matra ko sharir me badaata hain. Isse twacha swasth najar aati hain. Iske alaava exercise se sharir ki masals tonup hoti hain. Jisse twacha me kasaav aata hain.

Hume aksar yah lagta hain ki exercise se kewal sharir ko hi fayda milta hain, jabki sacchai yah hain ki yah sehat aur sundarta dono ke liye barabar faydemand hota hain. Agar aapki sehat fit rahegi tab hi aap fit rahenge.  

Ear bud ka use aapki beauty nikharne me

 

Ear buds ke baare me aap jaante hi hain ki iska kya use hain hum isse humaare kaan khujaane ke liye hi adhiktar use karye hain  par kya aapko malum hain ki Ear buds ka use humaare beauty nikharne me bhi use kar sakte toh chaliye hum aapko batate hain ki kis tarah aap ear buds ko beauty me sahayak bana sakte ho.


1) Ear bud  ke rui laga hisse par apna pasandida perfume ya itr chidke. Iss plastic bag me band kar apne purse rakhe. Din me jab chahe, tab 'touch up' kare.

2)Agar lipstic idhar-udhar fail gai hain toh ear bud par thoda sa powder lagaaye aur hothon ke chaaro aur firaaye. Faili lipstic na keval saaf hogi, balki fir se failegi bhi nahi.

3)Yadi aap weekend trip par ja rahi hain aur apne saath makeup ka jyaada saman nahi le jaana chahti toh alag-alag ear buds par alag-alag shade ka eyeshadow lagaaye aur unhe choti-choti  ziplock polithin me pack kare.

4)Nailpolish remover ko ear bud ki madad se use kare. Thoda-sa remover hi kafi kaam dega.

5)Koi chain atak gai hain toh ear bud me thoda-sa shampoo lagaaye aur isse chain par fer de. Chain aasani se khulne-band hone lagagi.

6)Agar aap maskara se pahle eyeshadow laga chuki hain aur maskara lagaate waqt pala par gir gaya hain toh use earbud ki madad se saaf kare. Eyeshadow nahi hatega aur maskara bhi saaf ho jaayega.

7)Yadi aap ghar par hi baal rang rahi hain aur hair dry garden aur chehre par gir gai hain toh hydrozen paraoxide aur baking soda milaakar paste banaye. Ear bud par paste lagakar dye hataaye.

Tamatar se nikhregi aapki twacha

Hum jaante hain ki tamatar ek aisi cheez jo sabke ghar me paayi jaati bina tamatar ke humaara kitchen adhuraa sa lagta hain jis tarah taaatar ke bina humaara rasoi ghar adhura hain usi tarah humaari twacha ki sundarta ke liye tamatar ka bada mahatv hain toh chalo aaiye hum bataate hain ki tamatar se kis tarah hum humaari sundarta ko barkarar  rakh sakte hain.

Rinkel free skin
Tamatar me antioxidants ki bharpur matra hoti hain. Yah twacha ko jawan banane ke saath use rinkel free karta hain. Roj subah khaali pet do tamatar ka juice me do cup paani aur shahad ki kuch bunde milaakar peeye isse aapko jarur fayda hoga.

Twacha chamkegi aur nikhregi
Chahre ko milde facewash se dhoye aur mulayam touliye se chehre ko pouche. Iske baad tamatar e slice ko chehre par lagaaye aur circular motion me ghumaaye. 15 se 20 minute baad chehre ko paani se saaf kar le. Do din me ek baar aisa karne se chehre saaf banta hain aur chamakdaar bhi banta hain.

Gulaabi gaalon ke liye
Gulaabi aur healthy gaalon ki chahat ke karan hi shahyad adhiktar mahilaaye rose powder ka use karti hain. Iss tarah ke cosmetic prouducts se bachne ke liye aap rojaana tamatar khaaye. Kuch dino me aapke gaal-apne aap hi gulabi aur komal ban jaayenge.

Saaf aur safed twacha
Iss tarah ki twacha paane ke liye thoda sa chandan powder ek katore me daal kar nimbu ka ras aur tamatar ka juice daale. Iss paste ko chehre aur gardan par laga kar 15 minute tak chord de aur thande pani se dho le. agar aapke paas samay ki kami hain toh kewal ek tamatar ko kuchal kar hi chahre par laga sakti hain. isko 10 minute tak ke liye laga rahne de aur uske baad chehra dho le.

Tamatar jitna sharir ke liye healthy hota hain, utna hi accha woh twacha ke liye bhi mana jaata hain. Yah twacha ko na keval saaf karta hain balki use chamakdaar bhi banata hain.