Dur ho jaayegi skin taning

Garmiyo me tening ki samsya kafi aam hain aur  aapka isse bachna  takriban namumkin sa hain lekin khaas baat toh yah hain ki ise aasani se dur bhi kiya jaata hain. Garmi me ghar se bahar niklne ka man hi nahi karta. Lekin Garmi ho ya sardi kaam toh karna Hi padega.
 


Tips:- Subah 10 se shaam 4 baje ke beech ghar se bahar na nikle.
Agar ghar se nikalna hi pad raha hain toh khule bhaag ko scarf se dhake ya fir chhate ka istemaal kare.
Bahar niklne se 20-30 minute pahle hi suncreen lagaaye.
Sharir ka jo hissa khula rahta hain, us par chachh lagaaye. Chhachh se dhup se hone vali jalan se chutkara milega aur tening ka prabhav bhi kam hoga. Dahi aur chhachh praktrik rup se bleech ka kaam karte hain.
Tening ko ghar me bane scrub pack se bhi dur kiya ja sakta hain. Iske liye ek chhota chammach dudh me 2 chammach otmeal, thoda sa santre ka guda aur khakhas milaaye. Ise pees kar ghada paste banaaye. Chehre aur garden par lagaakar sukhne ke liye chord de. Jab adhaa sukh jaaye toh anguliyo ki madad se scrub kare.
Iske alava face pack bhi tening dur kar sakta hain face pack banane ke liye 2 paki strawberries le. Isme ek chhota chammach shahad daale aur mishran ko chammach ki madad se pees le.. Ise chehre par lagaakar sukhne ke liye chord de. Strawberries tening hatati hain toh shahad twacha ko mulayambanata hain.

Pack:-Jau ka pack- Iss pack ko banane ke liye 30 gram aur 20 gram khaskhas le. Iska powder banaakar isme nimbu ka ras aur gulaab jal milaakar paste tayaar kar le. Iss paste ko chehre par aadhe ghante tal lagaakar chord de. Fir thande paani se chehra dho le.

Fruit pack:- Iss pack ko banane ke liye 10 gram kishmish aur 2 kaaju le. Iske baad 50 ml chay se bane kaade me bhigokar kuch der ke liye chord de. Fir use peeskar paste bana le aur  isme papite ka pulp daalkar chehre par laga le.

Orange pack:-Santre ko sukhakar uska powder bana le. Fir ek chammach santre ka powder le aur usme ek chammach dahi, multaani mitti aur chandan paste daale. fir thoda sa paani milaakar paste bana le. Iss paste ko chehre par laga kar 20 minute baad thande paani se dho le.
 

Neem ki pattito se nikhaare apni twacha

Hi friends,
Aap jaante hain ki neem humaare ke liye kitni mahatvpurn patti hain jo hume kai rogo se  bachata hain. Aaj hum aapko neem ka use aapki twacha ki sundarta badaane ke liye kaise use kiya jata hain. Aayurved me neem ki pattiyo ka gungaan hain. Neem ki pattiya na kewal twacha ko bacteria mukt  rakhti hain balki khun saaf karne me bhi inka istemaal hota hain.


Neem ki pachaas ke karib pattiyo ko do litre paani me daalkar khub ubaal le. Us uble paani ko thanda karke ek bottle me rakh le. Roz nahaate samay us paani ki thodi matra nahaane vale  pani me milaaye. Twacha me koi sankrman nahi hoga saath hi isse aapke chehre par daag dhabbe bhi nahi honge.

Neem ke iss paani ka upyog aap chehre ko saaf karne ke liye bhi kar sakti hain raat me sone se pahle ek cotton ball ko neem ke paani me duboye, uske baad us paani se chehre ke saaf kare. Aisa karne se chehra toh saaf hoga, saath hi muhaase aur blackheads ki samsya se bhi chutkara milega. isse chehre par chamak bani rahti hain sath hi aapka chehra khushk nahi hoga.

Neem ki chaal aur jhad bhi sehat ke lihaj se bahut prabhavi  hote hain. Inka powder  banaakar baalon me lagaane se rusi aur jue ki samsya nahi hoti hain, kyunki neem apne aap me ek bahut hi accha antibacterial hota hain. Isse baal jhadne ki samsya se bhi rahat milti hain.

Neem ka istemaal karna sabse aasaan hota hain. Iski pattiya bhi aasaani se aapko mil jaayegi. Subah khaali muh neem ki komal pattiya khaane se khun bhi saaf hota hain.

Aapko lips pe dena chahiye thoda khaas dhyaan

Hi friends,
Humaare sharir ke har ek parts humaare liye khaas hote hain. Humaare sharir ke jo bahri ang hain hume uspe jyaada khyaal rakhna chahiye kyuki unki sundarta ek naari ko or jyaada khubsurat kar deti hain.Aisa ek khaas part humaare sharir ka woh hain humaare HONTH. Honthon par agar khaas dhyaan rakhengi  toh lagege behad khubsurat aur natural. Ghar par hi kar sakte hain aap inki extra care.

Banking soda- Aadha tea-spoon banking soda me thoda-sa paani milaakar paste banaaye.Tooth brush par tayaar paste lagaaye aur isse halke haathon se maalish kare. Thodi der baad gungune paani se honth dho le. Aakhir me lip baam se hothon ko moisturize kare.

Glycerin paste- Ek tea-spoon gulaabjal me 3-4 bund glycerin daalkar acchi tarah mila le. Tayaar paste ko rozaana din me 3-4 bund baar baar honthon par lagaaye. Lagaataar aisa karne se fate honth soft ban jaate hain.

Petroliam jelly paste- Lip ke liye tooth paste ki tarah toothbrush ya  soft baby brush par petrolium jelly lagaaye toothbrush se hontho ki dheere-dheere maalish kare, taki hontho ki papdinuma skin puri tarah se nikal jaaye. Honey paste lip ke liye ek tea-spoon honey me aadha tea-spoon cheeni daalkar acchi tarah milaaye. Fir tayaar paste ko ungli par lagaaye, jab yeh sukh jaaye toh gungune  paani se dho le. Aakhir me hontho par lipbaam lagaaye.

Uchit dekhbhaal ke abhaav me naram aur khubsurat honth fatne lagte hain. Inki praktrik sundarta bkarar rahe iske liye vishesh dhyaan de. Aapke lips agar khubsurat dikhenge toh aap bhi behad sunder lagegi.

Haatho ko banaye khubsurat kuch iss tarah

Hello friends,

 Aaj hum aapko aapke haatho ki sundarata  ko badaane ke liye acchi baate batane ja rahe hain jo aapke liye kafi laabhdayak rahti hain.  
 H um jaante hain ki humaare haath humaare sharir ke baaki parts ki bajaay jyaada rukhe rahte hain. Haathon ki back side skin kaafi patli hoti hain. Isme taliy granthi bhi apekshakrit kam hoti hain. Aksar dekhne me aata hain ki housewives baar-baar sabun aur deterjent ka use karti hain, Jisse haathon ki twacha ko ataydhik nuksaan pahuchta hain aur we rukhe ho jaate hain. Aise me haathon ki jyaada dekhbhaal karni chahiye, tho chaliye hum jaante hain ki kis  tarah hum apne haathon ki sundarta bakrar rakh sakte hain.

Haathon ki nami banaaye rakhne ke liye kapde dhote hue rabad ke dastaane pahnane chahiye. Yeh medical shop par aasaani se mil jaate hain.

Nahaate samay haatho ka khaas dhyaan rakhna chahiye. Nahaane se pahle haatho aur paavo par oil ki maalish kare. Iske liye aap til ya fir jetun ka tel use me la sakti hain.  

Paramparagat taur par besan, dahi aur haldi ka paste bhi use me laaya ja sakta hain. Aap iss paste ko 20 minute tak lagaakar ise halke se khurach dijiye aur baad me taaje paani se nahaiye. Iss prakriya ko hafte me 2-3 baar use me laaiye. Yadi aapki skin shushk aur saanvli hain toh 2 chammach surajmukhi tel, 2 chammach nimbu ka ras aur ek chammach khurdari chini ka paste 15 minute tak haathon par ragadne  se bhi kaafi faayda hoga. Aisa week me 3 baar karna chahiye. Haatho aur paavo ki twacha ki atydhik khushki se niptne ke liye 1 chammach glycerin ko 100mililitre gulaabjal me milaaye. Iss mishran ko haathon   aur paavo par lagaane se nami aur komlata aa jaai hain.

Haatho ko saaf aur mulayam karne ke liye chini aur nimbu ka ras milaakar lagaaya ja sakta hain. Aap santre ke taaja chilko ko peeskar bhi use me le sakte hain.

Haatho ko saaf karte waqt yah bhi dhyaan de ki kisi kathor vastu se haath ko na ragde. Kai log lohe aur pathar se haathon ko ragdte hain, jisse skin ko nuksaan pahuchta hain.

Aapki aankho ke makeup ke liye kuch khaas tips

 

Perfect eyebrow
Aap yadi apni bhouho ko perfect shape me dikhaana chahti hain, toh iske liye kuch cheejo ka dhyan rakhna hoga. Sabse pahle inki shape par dhyaan dijiye. Yeh bahut ghani bhi nahi honi chahiye aur bilkul patli bhi nahi. Aise me aapko inhe elivited dikhana jaruri hain.

Bhouho ko 3 se 4 hafte pahle tweej na kijiye. Isse yeh kafi patli dikhne lagegi. Inhe nishchit antraal se hi tweej karna chahiye.

Eyebrow line naak ke upri hisse se shuru hoker aankh ke upri hisse ko cover karti hain. Sabse upri sira putli ke upar hona chihiye. Yahi aadarsh ki sthiti hain. 

Tweej karne ke dauraan pahle aankho ko saaf paani se dhoye aur fir bhouho par facewash se dho le. Isse laal chakte ya daane nahi honge.

Ballon ko ugne ki disha me ek-ek kar ke hatvaaye. Baad me aakhri siro ko sahi shape de. Iss tarah aapki perfact eyebrow apne shape me dikhai dengi.

Falls eyelash
Falls eyelashes se aapko doll look milta hain. Falls eyelashes lagaane me dard ho sakta hain aur isme waqt bhi lagta hain. Aap faals lashes ka istemaal kiye bagair  hi faals eyelash look pa sakti hain, Aaiye jaante hain ki iski aasani trick-

Eyelashes ko curl karne ke baad powder ki patli layer lagaaiye aur uske baad maskara istemaal kijiye.

Lashes ke top aur bottom par maskara ke do cot lagaaiye. Dono cots ke beech 3-5 minute ka antraal rakhiye nahi toh we chipki  hui dikhengi.

Maskara lagaate waqt vend ko sahi tarike se har aur le jaaiye. Top aur bottom ke saath hi left wa right motion ka bhi dhyaan rakhe. Har lash puri tarah se cover honi chahiye.

Aakhir me dekhiye ki kisi lash ke beech gap toh nahi. Maskara vend ki  madad se har lash ko thik kijiye. Fir kisi  acche eyeliner ka use kijiye.

Ek aisa makeup jo de simple looks, bold lips

Hello friends,

 Hum jaante hain ki aajkal ki ladkiyo ko jyada makeup  karna pasand  nahi hain par accha dikhna bhi chahti he toh iske liye aaj hum aapko ek aisa makeup batane ja rahe hain jo aapko simple look aur  bold lips dega. Jo ladkiya jyada makeup karmna pasand nahi karti hain woh iss look ko aajma sakti hain. Isme bahut kam makeup se aapke hothon ko ubhara jaata hain. Mausam ke hisaab se yah makeup aapko kisi bhi tarah se pareshaan nahi karega toh chaliye hum aapko bataate hain ki yah makeup kis tarah hota hain.

Aankho ke liye aap kajal, Eyeliner aur maskaare ka istemaal kar sakti hain. Aap chahe toh eye shadow bhi laga sakti hain.

Gaalon par aap simple blusher ka istemaal kar sakti hain. Isse aapki skin bhi jawan lagne lagti hain.

Baalon ko aap kuch naya style dijiye. Yadi aapke baal lambe hain toh inhe khula bhi rakha ja sakta hain. Aap unhe stright frienge aur side parting style de sakti hain.

Ab baari lips ki hain. Aap apni pasand ki lipstic ka istemaal kar sakti. Yadi pink ya red ka istemaal karengi toh iss season ke anusaar dikhengi. Waise koi dusara bold colour bhi chal sakta hain.

Ek aisa makeup jo kar de aapki kam umar

 

Hi friends, 
Aaj hum aapko aise makeup ke baare me batane ja rahe jo aapko younger dikhaane me madad kar sakta hain. Yeh makeup un logo ke liye jo jyaada umar ki mahilaaye hain. Jab humaari umar jyaada ho jaati hain toh hume kahi jaane me thoda akward sa feel hota hain. Par hum aaj aapko aisa makeup bataane ja rahe jo aapki skin ko jawan kar dega aur aap kam umar ki najar aane lagegi. Iska pahla sabak yah hain ki bahut jyaada makeup aapko kabhi jawan nahi dikha sakta hain. isliya hum ab aapko ek aisa makeup bataane jayege  jo aapko  jawan dikha sake.

Sabse pahle aapko apne cheeks par warm-tond blush  ka use  karna hoga. Blushed cheeks humesha acche swasthy ka sabut rahe hain aur yah tarika toh darshko se puri tarah  kargar hain.

Iske baad hilighting cream lagaaye. Dhyaan rakhe ki yah glitteringnahi nahi honi chahiye. Ise apni brow bone se lekar cheek bone tak C-Shape me lagaye.

Umar ke saath moistur kam hota jaata hain, isliye aapko chihiye ki aap acche lip baam ka use kare.

Eyelashes par khaas dhayaan de. Jitni uthi hui lashes hongi, Aap utni hi jawan dikhegi.

Redness aur dark circles chipaane  ke liye conceller  aajmaaye.

Beauty tips khaas aapke liye (part 4)

Jab hataana ho kajal-
 
 Aap jaldi me hain toh chehre ko facewash se dhoye aur aankho ke neeche sabun ke jhaag se mal kar dhoye. Iske alava aap scrub ka bhi prayog kar ke kajal ko chuda sakti hain. Aankho   ke neeche vesline lagaaye aur fir kajal ko cotton se saaf kar le. Kajal churdana ho toh chehre par cleansing milk laga kar chehre aur aankho ke aas paas massage kijiye . Kajal bhi saaf ho jaayega aur chehra bhi.

Honth banaye mulayam-
 
 Nariyal ka tel ya dudh hothon ko nami pradaan karne ke liye bahut achche hote hain. Aapne hontho ko nam rakhne ke liye inhe lagaaye aur honth ko fatne se bachaye. Kai lip baam me glycerin shamil rahta hain. Yah twacha ko nami deta hain aur use komal banaata hain. Isse aapke honth gulaabi dikhenge. Sardiyo me hothon par butter lagaaye. Raat ko sone se pahle isse hothon ko massage kare. Isse aapke honth dekhne me sunder lagege.

Kohni ghutne rakhe saaf-


Aksar aisa hota hain ki aapke haathon aur pairo ki kohni aapke natural colour se bahut jyaada dark rahti hain. Jyadaatar log issi se pareshaan rahte hain. Isko sahi karne ke liye aap kheere ka juice aur aaloo ka juice le. Ise mix karke apni kohni aur ghutno par5 minute tak massage kare. Raat bhar sukhne de. Yah rozaana kare aapke ghutne aur kohni pahle se jyaada saaf aur mulayam lagenge.

Nahaane ke liye  use kare-


Namak ke paani se nahaane se twacha se jahrile tatv bahar niklte hain. Garm pani twacha ke rom chhidro ko kholta hain. Isse minerals twacha ke ander jakar gahrai tak safaai karte hain. Namak ka paani jahrile aur nuksaankari padrtho aur bacteria ko twacha se bahar nikaalta hain aur isse jawan banata hain. Niymit rup se namak ke paani se nahaane se daag aur jhuriya kam hoti hain.

Beauty tips khaas aapke liye (Part 3)

Agar ho vaxing bamp-
  Aapko vaxing bump ki samsya se na jujhna pade, iske liye aap vaxing ke baad kada scrub bilkul na kare. Vaxing kiye hue sthaan ko aap sirf  halke haatho se dhoye. Vaxing bump ke upchaar me aap suti kapde ki bhi madad le sakti  hain. Vaxing kiye hue sthaan ko suti kapde se dhak de. Twacha par dhul ko jama na hone de. Vaxing bump ka yah upchaar bhi behad kargaar hain. Isse aapki twacha bhi narm rahti hain.

Khubsurat rahe adiya-
 
 Pairo ko baar-baar thande aur narm paani me na daale. Sabun lagaakar kade brush ya pumik stone se adiyo ko ragd kar saaf kare. Raat ko sote samay malai me kuch  bunde nimbu ka ras miaakar, adiyo  par ek do minute maalish kare. Isse adiya nahi fategi. Raat ko sote samay  adiyo par jetun ke tel ki maalish karne se adiya fatne ki sambhavna kam hain. Isse aapki adiya sunder dikhegi.

Gori nikhri peeth
Jyadatar mahilaaye peeth va baajuo ke peeche ke hisse ko najarandaaj kar deti hain. Inn hisso kisafaai ke liye anti-bactirial cleanser use me laaye. Ise lagaane se muhaaso se bhi bacha ja sakta hain. Baaju ke neeche ke hisse par ubhre chhote-chhote daano se bachne ke liye  alfa beeta hydraxy lotion  lagaaye. Kabhi bhi mrit twacha ko ranzer se saaf karne ka pryaas na kare. Aisa karne se twacha ko nuksaan hota hain.

Saaf kare makeup brush-
Makeup ke dauraan istemaal hone wale brush ko humesha saaf-suthra rakhna behad jaruri hain. Iske liye ek halka foaming cleanser ka istemaal kar aap brush saaf kar sakti hain. Iske alava aap jis paani ka use kare wah saaf hona chahiye. Ek bade bartan   me gunguna paani bhare aur usme shampoo ki kuch bunde daale. Iss paani me apne  makeup brush ki tip duboiye  aur  haatho  se saaf kijiye.

beauty tips khaas aapke liye (part 2)

JAB HO PAIRO ME SUNTAIN-
 

dhup  se kai baar pairo ki twacha jhulas jaati hain aur tainig hataane ke liye us par nimbu ragde. Iske saath hi jab bhi nahane jaaye toh pumic stone se adi ke saath pairo ki twacha ko bhi halke se ragde. Raat me sote waqt body lotion ko pairo par jarur se lagaaye. isse unme nami bani rahti hain. Bahar jaate waqt moje jarur pahan kar jaaye saath hi aap lotion ka use kare.

PAIRO KI KARE DEKHBHAAL ISS TARAH-


Hume do hafte me ek baar padicure kar le, isse aapke pairo ki twacha mulaayam rahegi aur aap relex mahsus karengi. Agar pairo kitwacha jyaada fatti hain toh din me moje pahne rahe. isse kam pair fatenge. Hot water treatment twacha ko moisturize karne ke liye kargaar tarika he. Isse aapki thakaan dur ho jaayengi aur pairo ki twacha me komlta aayegi. Jisse aapke pair dekhne me sunder lagenge.

NARIYAL SE BANE KOMAL HONTH-


Pighle hue tel ke mukable jama hua nariyal ka tel jyada faydemand hota hain. Yah honth par lambe samat tak tika rahta hain aur nami bhi pradaan karta hain. Raat ko nariyal tel se hontho ki massage kare aur lagaakar so jaaye. Iss prakaar aapke honth fatne se bachenge. Subah uthkar gungune paani se honthyo ko dho le. Din me koi lip baam avashay lagaaye taki hontho ki nami barkarar rahe. Isse honth mulayam bane rahte hain.

APNAAYE NARIYAL TOOTHPASTE-


Nariyal se bana toothpaste daanto ka peelapan dur kar unko jhad se majbut aur chamakdaar banaata hain. Jin logo ke masude kamjor hain unke liye nariyal toothpaste ek behtarin vikalp hain. Yah muh se sambandhi anek beemariyo ko bhi khatam karta hain. Isko banane ke liye  nariyal tel ko jamaye fir isme samaan matra me banking soda milaakar bartan me bhar le .

beauty tips khaas aapke liye

Chamke garden ki twacha-
 
Garden ke upar ki twacha ki tarah hi komal aur naajuk hoti hain. Isliye aapko wahi cream lagaani chahiye, jo aap apne chehre par pratidin lagaati hain.. Saptaah me ek baar garden  ko mulaayam scruber se scrub kijiye aur baad me moisturizer lagaaiye. Aisa niymit rup se karne se garden ki rangat me jo kalapan dikhai deta hain woh dur hoga saath hi twacha me bhi nikhar jaayega.

Kare naakhuno ki dekhbhaal-

Nailpolish lagaane se pahle naakhuno  par base cot avashay lagaana chahiye. Isse naakhun peele nahi hote. Manicure ka prabhav bhi jyaada samay tak rahe, iske liye nailpolish ke do cot ke baad fir se base cot lagaaye, fir top cot apply kare. Raat ko sone se pahle naakhuno ke quiticle par quiticle oil ya baby oil se massage kare.

Hotho ke safed daag kare saaf aise-
Lahsun ka sevan karne se khun me moujud bacteria  ka naash hota hain. Isse praktrik rup se hothon par moujud safed dhabbe gayab hone lagege. Apple sidaar vinegar white patch ko thik karne me asardaar hota hain. Ise hafte me ek ya do baar pryog kiya ja sakta hain. Iske pryog ke baad halke garam paani se hothon ko pauch le. Khatte fal jaise nimbu ya santre ka thoda-sa pani me mix kar ke rui se hothon par lagaaye.

 Gale ka kalapan dur kare-
 

Gale ke jis hisse par dead skin jama ho jaati hain, us hisse me kalapan aa jata hain. 3-4 Chammach oats lekar ise acche se pees le. Ab  isme 2 chammach tamatar ka guda milaakar achhe se mix kar le. Iss mishren ko gale ki twacha par lagaakar 20 minute ke liye chorde de. Iske  baad apni anguli ko geela karke aaram se scrub kare aur fir thande paani se dho le.

Aapke baalon ke liye kuch khaas tips (part -3)

Baal jayenge mahak-

Nimbu me praktrik rup se siteres ki mahak hoti hain. Nimbu ke ras baalon se rusi dur karne me sahayek hain. Nimbu ke ras ko baalon me lagaaye aur seer ko milde shampoo se dho le. Baalon ko gulaabjal se kuch der bhigone par uski mahak baalon me sama jaati hain. Chameli ke ful me kafi mahak hoti hain. Iss tel se seer ki massage karne se baalon me na kewal mahak bharti hain balki baal ghane bhi hote hain.

Baalon ke liye cleaning care-
 
Kai baar aapke baal isliye bhi rukhe bejaan hote hain kyunki aapka hair brush aur kanghi gandi aur kitaanu se bhari hoti hain. Isliye samay-samay par kanghi saaf karte rahe. Iske liye garam paani me thoda sa soda daalkar usme hair brush aur kangha daal de. Thodi der baad kisi brush ya sponge se ragde, fir saaf pani se dho le. Ab aaraam se baalon ko sanwaare.

Halke baalon me style-

Agar aapke baal bahut patle hain to aap freenze style ka hair cut karwaaye. Freenze  yani layers ko kuch iss tarah kattehain ki baalon ka koi ek aakaar nahi dikhta hain, yani alag-alag  aakaar ke filips. Bob cut halke baalon me acche lagte hain, lekin inhe freenze  ke saath banaaya jaaye toh yah aur bhi acche lagte hain. Inn sabse aapke baal bhi  kamjor nahi hote hain aur jhadne ki samsaya se bhi chutkara milta hain.

Baal banege silky-
 


Baalon ko shampoo karne ke baad touliye se pauch le. Do bade chammach dahi me 2 bade chammach mayoneez milaakar iss  ishran ko baalon me lagaaye. 10-12 minute ke baad baalon ko dho le. Aakhir me baalon ko thande paani se hi dho le. Mehandi me 2 chammach aanwala aur shikaakai powder milaakar garm paani me raatbhar bhigo de. Agle din  iss mishran ko dahi me milaakar baalon me lagaaye. Isse baalon me chamak bani rahti hain.