(Part 8) Aapke skin ke liye kuch khaas tips

Makeup karne se pahle chehre par ragde barf-
 
Chehre par thoda-sa barf ka tukda ragdne se twacha swasth, chamakdaar aur sunder ban jaati hain. Agar aap kisi diner party me ja rahi hain aur aapke paas makeup lagaane ka samay na ho toh, aap chehre  par barf ragad sakti hain. Twacha se sunburn aur muhaase hatane ke liye bajaar me milne wali cream ka nahi, balki barf ke tukdo ka use kare. Yah garmiyo me twacha ke liye faydemand hoti hain.

Chamak badaaye kaala namak-
 
Twacha rukhi hain aur bahut khujli ho rahi hain toh kale namak ke pani se nahana fayda pahuchayega. Kala namak jyadatar saabun, mask toner aur cleanser aadi banane me use kiya jaata hain. Kala namak twacha ke rome chhidro ko saaf karta hain, jisse twacha andar se saaf hoti hain aur porse me bacteria nahi panap paata hain. Ek chammach barik kala namak aur ek chammach olive oil ka paste banaaye aur usse chehre par scrub kare.

Na lagaaye fairness cream-
 
Aaj har ladka aur ladki chehre ki sundarta nikharne ke liye kai tarah ki fairness cream ka use  karte hain, bina yeh jaane ki yah kis prakaar kary karti hain. Jyadatar fairness cream me styroid ki adhik matra hone se yah twacha par Dee-pigmentation karta hain jisse kala rang kam hone lagta hain. Yah ek tarah ka side effect ki tarah use karti hain.

Strawberry laye praktrik nikhaar-
 
Strawberry twacha ko chamakdaar banaati hain. ise acche se mash kar lagbhag aadhe ghante tak lagaaye rakhne ke baad chehre par freashness aati hain aur chehra khila huaa sa  lagta hain. kela ek shandaar moisturizer hain. Jetun ke tel ke saath isko milaakar  lagaane se chehre par rukhapan nahi aata. Yah vitamin yukt hota hain jo twacha ke liye bahut labhdayak hota hain.   

(Part 7) Aapke skin ke liye kuch khaas

 

Saaf bedaag twacha-
Ek katore me ek chammach daalchini aur do chammach shahad mix kare. Isse acchi tarah se blend kare. Chehre par 15 minute tak lagaaye aur fir halke garam pani se chehra dho le. Fir chehre par toner lagaaye. Ek katore me ek chammach haldi powder, ek chammach shahad aur do chammach dudh mix kare. Iss face mask ko chehre aur garden par lagaaye. Mask ko chehre aur garden par lagaaye. Mask ko kacche dudh me cotten ball dubo kar saaf kare.

Whitehads ko dur karne ka khaas upaay-
Yadi aap whitehads ki samsya se parshaan hain, toh use niymit taur par badam ke paste ya coconut milk se saaf kare, kyunki yeh dono praktrik cleanser ki tarah twacha ko saaf karte hain. Dhul, romkup ke bacteria, sebum tatha mrit twacha koshikao ke avrudh hone se hi twacha me whitehads ki dikkat najar aati hain. Ek khaas baat, humesha chehra dhone se pahle haath ko dhoye.

Dead skin ko kare remove-
Chehre se dead skin remove karne ke liye saptaah me ek baar akhrot ya strawberry yukt scrub ka use kare. Iske baad chehre par nimbu ya neem yukt face pack laga sakte hain. Yah pack blackhads/ whitehads bhi kam karta hain.

Twacha rahegi tarotaaja-
Twacha ko thandak wa tajgi ka ahsaas dilaane ke liye ek tablespoon besan aur do table spoon gulaabjal milaakar paste banaaye. Ise chehre par 15-20 minute tak lagaaye. Fir thande pani se dho le. Chanden powder twacha se taining hataane me madad karega.Iske alaava besan twacha deep cleansing karega. Yah pack exfoliation ka bhi kaam karega.

Khatta nimbu bhi skin ki chamak ka raaz

Hum jaante hain ki nimbu ek aisi cheej hain jise sab log jaante hain. Nimbu ka upyog lagbhag har ghar me hota hain. Kitchen se lekar bathroom tak me iska upyog hum sabhi niymit rup se karte hain.
Toh chaliye hum aapko batate hain ki kis tarah nimbu aapki skin ke liye kaise upyogi hain.


Acne, blackhads ko dur karta hain- 
Nimbu me antibacterial aur antifungle properties paai jaati hain, jo ki praktrik rup se acne aadi se ladne ka kaam karti hain. isliye bas nimbu ko kaate aur acne aue muhaaso par ragde.

Daant ko karta hain safed-
 Agar aap paisa aur waqt dono bachaana chahte hain toh baking soda aur nimbu ke ras ko mix kare. Iss mishren ko daanto par lagaaye aur bas ek minute se jyaada isse na rakhe nahi toh daanto ki upri satah kharaab ho sakti hain. Iske baad halke haatho se brush kare.

Nakhuno ko kare majbut- 
Nakhuno ko majbut banaane aur unki twacha ko chamakdaar banane ke liye jetun ke tel me nimbu ke ras ki kuch bunde milaaye aur fir iss mishren se naakhuno aur uske aas-paas ki twacha par halke haathon se massage kare.

Daag-dhabbo ke nishaano ko mitaana- 
Muhaaso aadi ke daag ko hataane ke liye nimbu ko kaatkar use seedhe daag wali jagah par ragde. Kuch dino me daag-dhabbo ke nishaan halke pad jaayegi.

Nimbu me vitamin C, calcium, magnetium, Potetium aur kai tarah ke minrels aur antioxidents paaye jaate hain, jo ise humaare liye aur bhi jyaada upyogi banaate hain. Yah wajan kam karne me bhi sahayak hote hain.

muhaase chipaane ke liye khaas makeup

 
Hum jaante hain ki aajkal joro shouro se wedding season chal raha aur jab hume kisi shadi me jaane ke liye acche se tayaar hone ke liye kai prayaas karte karte hain aise me yadi humaare muhaase humare chehre ki khubsurti kam kar de toh hume accha nahi lagta hain. Wedding  season me chehre par najar aane wale muhaase aur anay daag chipaane ke liye makeup ki jarurat hoti hain. Inke liye aap aasaan trick aajma sakti hain. Isse na sirf muhaase chipaaye ja sakte hain, balki chehre ki skin ko smooth aur shiny bhi banaya ja sakta hain.

Clean aur fresh canvas ke saath shuruaat kare. Cleanser aur toner rutin ko pura karne ke baad chehre par oil-free ya jel moiturrizer lagaaye.

Moisturizer se chehra prime bhi ho jaata hain. Yadi aap aur jyaada priming chahti hain toh colour-correcting prime bhi aajma sakti hain. Muhaaso ki redness ko kam karne ke liye aap eyedrop ka istemaal kar sakti hain. Eyedrop ka kaam maaspeshiyo ki laali ko kam karna hain. Iska asar muhaaso par bhi  hota hain.

Iske baad liquid consiller  ka istemaal kar sakti hain. isse yellowish tone me rakhe. 
Sabse aakhir me light foundation ka istemaal kare.

(Part 6) Aapke skin ke liye kuch khaas

 
Ghar par scrub banane ka tarika-
Scrub se chehra glowing banta hain. Scrub banane ke liye kacche chavlo ko dudh me 2 ghante ke liye bhigokar pees le. Fir usse chehre ko scrub kare. Chera glow karne lagega. 2 chammach baking soda aur pani mix kar paste banaaye aue chehre par kuch der lagaane ke baad pani se dho le. Pisa badaam, 2 chammach shahad aur dudh ki malai mix kar scrub tayaar kare. Ise prayog kar ke chehra smooth banaaye.

Mitaaye chehre ke kaale daag-dhabbe-
Chehre ke kaale daag-dhabbo ko mitaane ke liye tamatar ke ras me rui bhigokar daag par ragde. Kaale daag dhabbe saaf ho jaayenge. Rojaana subah ek gilaas tamatarnke ras me namak, jeera, kalimirch milaakar peeye. Chehre par naariyal lagaaye. Aaloo   ubaal kar chilke cheel le aur iske chilko ko chehre  par  ragde , Muhaase thik ho jaayenge. Nimbu ka tukda ragadne se bhi kaale daag halke ho jaate hain.

Dead skin kare remove-
Chehre se dead skin remove karne ke liye sftaah me ek baar akhrot ya  strawberry yukt scrub ka istemaal kare. Iske baad chehre par nimbu ya neem yukt face pack laga sakte hain. Yah pack blackhads/ whitehads bhi kaam kam karta hain.

Twacha ka dhyaan-
Yatra ke dauraan aap apne saath twacha ki dekhbhaal ke liye bahut tarah ki cheeje nahi le ja sakti hain toh gabraane ki koi jarurat nahi hain Aap sirf ek cleanser apne saath rakh le. Safer karte samay humesha khyaal rakhe ki aapne lambe samay tak chalne wali lipstic ya lip colour na lagaya ho, kyunki yeh hotho se saari nami bhi soukh lete hain jisse hoth kharaab ho sakte hain. Samay-samay par hi iska use kare.

(part 5) Aapke skin ke liye kuch khaas

Aise nikhregi twacha-
 
Aapke chehre ki twacha naajuk hoti hain. Isliye jab bhi facecream ya makeup lagaaye toh halke haathon ka hi istemaal kare. Iske alaava agar koi foda ya funsi ho gai ho toh use noche ya kharoche nahi. Protien diet twacha ke liye acchi hoti hain.

Inka kare istemaal-
 
Garmi ke mausam me dhup itni tej hoti hain ki isse humaari twacha julas jaati hain wa kali pad jaati hain. Ise dur karne ke liye kuch gharelu upaay apnaaye jaise aam ke patte, jamun ke patte, haldi aur gud ko barabar matra me milakar paste tayaar kar le aur iss paste ko pure sharir me lagakar kuch der chord de. Das se bees minute naha le. Isse aapki twacha ki rangat pahle jaisi ho jaayegi.

Twacha rahe mulaayam-
 
Twacha ko mulayam banane ke liye aap papita, shahad aur nimbu ka ras milaakar face mask tayaar kar sakte hain. Isme paaye jaane wale tatv jaise papita me paipen naam ka anjime hota hain jo praktrik tarike se mrit twacha ko thik karta hain. Shahad me anti-bacterial gun hote hain jo twacha ko mulayam banante hain aur nimbu me citrik acid hota hain jo twacha me chamak laane me sahayak hota hain.

Haldi nikhaare rup-
 
Chehre par pimpal ho gaye ho to haldi powder, chanden powder tatha  paani milaa kar paste tayaar kare aur chehre par lagaaye. Isse pimpal jaldi hi thik ho jaayege. Ve  log jo apne muh pae anchahe baal se pareshaan hain, unko haldi lagaani chahiye. Lagataar isko lagaane se chehre par se baal dheere-dheere kam hone lagege. Isse aap hafte me ek se do baar upyog me la sakti hain. Isse aapka chehra ekdum sunder dikhega.

(Part 4) Aapke skin ke liye kuch khaas

Natural beauty ke liye aloveera facial-
 
Aap  Sabhi khud me humesha natural beauty chahti hain. Isliye to ghar par hi aloeveera facial pack lagaaye. Aloeveera ke ander upsthith jel se twacha me nikhaar aata hain. Market me bhi aloeveera jel aasani se mil jaayega. Isse twacha sambadhit bimaariya nahi hoti hain. Isse pimple bhi thik ho jaate hain. Yah skin ko moisturize karta hain. Aloeveera ko anti aging ke liye bhi jaana jata hain.

Gulaabjal hain nikhrti twacha ke liye khaas-
 
Gulaabjal twacha me nikhaar laane ke liye behad jaruri cheez hain. Iske use se twacha me nikhaar aata hain. Sone se pahle dudh me kuch bunde gulaabjal ki milaakar cotton se chehre, garden aur dono haathon ki twacha ko acchi tarah se saaf kare. Twacha par chamak aayegi, Saath hi saath twacha par jami din bhar ki dhul-mitti saaf ho jaayegi. Aap ise rojaana use karengi toh twacha ke daag-dhabbe bhi dur ho jaayenge.

Rakhe apni khubsurti ka dhyaan-
 
Twacha khili-khili dikhe iske liye raat me ek acchi night cream lagaaye. Cream aisi ho jo pigmentetion, Baarik lakiro ko kam karne me madad kare. Beauty products ko thande, sukhe aur andhere sthaan dhup, nami aur aanch se dur rakhe. Agar aapke paas cream ka bada jaar hain toh surkshit rakhne ke liye apni jarurat  bhar  ki cream nikaal kar ek chhote container me rakhe.

Chanden mitaaye daag-dhabbe-
 
Chehre par keel muhaaso ke baad daag dhabbe rah jaate hain toh unhe chanden ke lap se saaf kiya ja sakta hain. Chanden ka lap keel muhaaso ko hi thik nahi karta, balki skin ki saaf aur nami pradaan karta hain. Aadha chammach haldi powder, ek chammach chanden powder milaakar paste taiyaar kar le. Ise kam se kam 15-20 minute lagaaye aur fir chehre ko saaf kar le. Isse chehre ke daag-dhabbe saaf ho jaate hain.