Hum jante hain ki har insaan ki twacha alag alag hoti hain. Kisi bhi prakaar ke cosmetic product apply karne se pahle hum apne chehre ke prakaar ko jaankar cosmetic use karte hain. Isi prakaar scrub ka use karne se pahle hume chehre ki skin ke baare me jaankar us tarah ke scrub use karna chahiye toh aaiye sakhiyo aaj hum aapko twacha ke prakaar ke hisaab se scrubs ki jaankari dete hain.
Teliye twacha ke liye
2 se 3 chammach sukhi hari chaay ka powder le, isme chutki bhar kapur, 2-3 chammch neem ki pattiyo ka powder aur 2 long ka powder milaaye. Iss mishran ko geela karke chehre par lagaaye. Sukhne tak laga rahne de aur fir chhach ki madad se scrub kare.
Saamaniya twacha ke liye
2-3 chhota chammach masur ki daal aur 1 chhota chammach otmeal milaaye. Isme thoda-sa dudh milaakar chehre ki scrubing kare.
Teliya aur saamaniya twacha ke liye
Teliya aur saamaniya twacha ke liye 2-3 chammach plum jem me ek chammach chaval ka aata milaakar usme scrubing kare.
Rukhi twacha ke liye
10 peese hue akhrot, 3 pisi hui anjeer aur 1 inch papeete ka tukada( mash kiya huaa) le. Iss mishran se chehre ki scrubing kare..
Sukhi twacha ke liye
2-3 chammach orgenic apricot jem me 2 chammach baadam ka powder milaaye isse chehre ki scrubing kare. (Yeh mishran freeze me 3 se 5 din ke liye rakh sakte hain. Hafte me 1 baar chehre ki scrubing kare..
Toh friends logo aap yeh scrubs ka use jarur kare aur paaye damkti chamkti twacha.
Thanks.
1 comment:
Badiya post h
Post a Comment